عذاب في بوكيت >> احذروا الرحلات البحرية <<

[عائلة السفر]

بسم الله الرحمن الرحيم

السلام عليكم ورحمة الله و بركاته

حبيت اكتب الي الي يبي يسافر بوكيت ان يحذر من الرحلات البحريه وهذي قصتي مع اولادي وما حصل لي برحلة الي جزيرة phi phi اي بالعربيه اسمها بي بي

طلعنا من فندقنا الي في باتونج بيتش الي الميناء واستغرق نصف ساعه الطريق ووصلنا للسفينه ودخلتا وان السفينه مزدحمه بالناس فوق العدد وقمنا نبحث عن مكان نجلس به وكما يقول المثل من سبق لبق والسالفه فوضه ووصلنا الي جزيرة كاي اولا وبها سباحه فقط واستغرق الطريق الي هناك 40 دقيقه والبحر هايج والحمام بفلوس والمشكله لا يوجد مرسى السفينه اي تنزل في المياه البحر وتمشي الي الشاطئ وليس هذا مهم وايد خلصنا من جزيرة كاي ونفس الطريقه نزلنا بالماء وركبنا مركب صغير الي سفينتنا المنكوبه وذهبنا الى جزيره اخرى وهي جزيرة القرده كما يدعون ونفس الطريقه لا مرسى تنزل في الماء الي الذي يسمونها جزيره وهي شاطئ صغير امامه جبل كبير ما لا يسع المكان هناك الناس كلهم ضيق فلم ننزل والقرده يمكن 5 او 6 والكل يبي يصور ووكلهم ومسكينه المراه العجوز لم تستطع النزول واحنا مثلها لان ما في شي يسوى للنزول غير البهدله واتجهنا بعد ذلك للجزيره phi phi واثناء الطريق تم تقديم الغداء احسن ما فيه البيبسي لان الاكل ما رح يعجب اي عربي والضطررنا ناكل رز ابيض فقط الحمد لله علي النعمه ووصلنا الي الجزيره وتبين لنا ان ندفع للدخول رسوم الدخول من حسابنا الخاص وليس هذه المشكله ويوجد بها محلات شعبيه غالية الاسعار وفنادق اسعار متنوعه الاسعار حسب كم نجمه بس غاليه جدا ومطاعم لا تصلح للعرب
ويوجد فيها شاطئ للسباحه فقط وتاجير اي شيئ تاخذه المهم الجزيره بايخه غير نظيفه رائحتحها فضيعه واثناء الرجعه من الجزيره الى بوكيت ركبنا سفينتنا وبعد ربع ساعه من الانطلاق وهذه المصيبه واجهتنا عواصف مطريه وامواج عاليه واصبحت السفينه مشخال اي تروح يمين ويسار خاطر المياه تدخل علينا من النوافذ وربك بحمده ستر اذ رجعنا الي الجزيره مره اخري وقالوا لنا ناموا بالجزيره حتي الصباح الساعه السابعه نبحر من جديد والمطار تهطر علينا لا من ملابس ولا طعام ولا مسكن اضطررنا لتاجير احد الفنادق للنوم هذه اليله السوده والاولاد صاروا مرهقين جدا بسبب هذه الرحله سكنا وننتظر الصباح بفارق الصبر حتي لبى الله دعوتنا وجاء الصباح وركبنا السفينه والاولاد ميتين من الجوع حتي صاره ولدي الصغير يزوع ورجعنا واستغرق الطريق ساعتين حتي نزلنا من السفينه وركبنا الباص الي فندقنا والحمد لله ونصيحه مني الي عنده اطفال لا ياخذهم الي هذه الجزيره بالذات من تجربه حيه عشتها مع اولادي وزوجي


في النهايه بوكيت جزيره جميله جوها معتدل مطاعمها العربيه اكلها لذيذ وخصوصا مطعم القاهره جدا نظيف وشاطئها جميل يوجد فيه كل وسائل الترفيه من الجي تسكي والبراشوت والالعاب الناريه والكثير افضل من جو بانكوك بكثير ولكم مني: جزيل الشكر

[البسام]

السلام عليكم ورحمة الله وبركاته

اولاً الحمد لله على السلامة قبل كل شي
وثانياً لا تخلو الرحلات العائلية من المواقف
وخصوصاً بوجود الاطفال (الله يحفظهم)

والتحذير المذكور اكيد بينفع كل عائلة ترغب
بزيارة الجزر لاخذ الحيطة

واذا كانت العائلة كبيرة بالامكان اخذ قارب (بوت مستقل)

أجمل تحية

[عائلة السفر]

السلام عليكم ورحمة الله وبركاته *

شكرا علي سرعة الرد. السالفه مو بس البهذله والرحله ما فيها غير سباحه وبوكت الشاطئ قريب من اي فندق. هذا كله مو مشكله السائح يجرب بس ما يعرض نفسه للاخطار الي حتي ما قالولنا البسوا سترت الجاه علي الاقل حتي الشخص الكبير مو طفل والله ما يستحمل هذا لان السفينه شايله فوق العدد وبعدين ليش تبحر السفينه وما تشيك علي الجو. مسافه مو هينه ساعتين ولما قصينا التذاكر يقولون لنا نصف ساعه الطريق وانا ما ودي الي صارلي مع اولادي وزوجي يصير لاي احد الناس تقط فلوس عشان تستانس مو عشان تعرض نفسها للاخطار. مع جزيل الشكر لك واحنا مو عايلة كبيره كلنا ست اشخاص

[الراجحي]

تختلف المكاتب المتعاقدة مع المراكب
وسبق وزرت الجزر في فوكيت والحمد لله كانت رحلة موفقة
وكانت العائلة معي